Paso 2

Den e paso aki, a base di e meta di e propuesta bo ta verifiká kua otro interesnan banda di esnan di mucha mester inkluí. E interesnan aki, por ehèmpel di (gruponan di) adultonan, por ta méskos ku e interes di mucha. Pero nan por ta konfliktivo tambe ku e interesnan i derechonan di mucha. Interesnan ekonómiko, ekológiko, polítiko, finansiero òf sosial por stroba e realisashon di derechonan di mucha. Den e paso aki, verifiká kua otro interesnan ta hunga un ròl. Por ta ku a identifiká e interesnan aki kaba den e proseso regular di redaktá legislashon, regulashonnan i maneho, por ehèmpel den e Beleidskompas.