Paso 3
Konsiderá e importansia di e interesnan
Den e paso aki bo ta konsiderá e importansia di e interesnan di mucha ku bo a indentifiká den paso 1 en komparashon ku e sobrá interesnan di paso 2. Den e marko aki, e interesnan di mucha ta na promé lugá kompará ku e sobrá interesnan.
Mucha ta ménos kapas pa defendé nan mes interesnan ku adultonan. E echo ku por falta di tuma nota di e interesnan di mucha ta un riesgo real. P’esei, e interesnan di mucha mester ta e promé konsiderashon. Esaki ta nifiká ku e interesnan di mucha tin mas peso, i nan no ta solamente un konsiderashon mas. Dependiendo di e sirkunstansianan, por ta ku otro interesnan (por ehèmpel esnan di otro mucha, mayornan, konsiderashonnan finansiero, ets.) ta konfliktivo ku e interesnan di mucha den e meta ku bo kier logra ku bo propuesta. Si esei ta e kaso, konsiderá kuidadosamente e importansia di tur interesnan i verifiká si por haña un kompromiso adekuá. Pèrkurá pa duna un bon motivashon di esaki. Duna supstansiashon adishonal riba puntonan kaminda e propuesta ta bai kontra e interesnan di mucha.
Pa e konsiderashon aki, kontestá e siguiente preguntanan:
- Ta garantisá e derechonan/interesnan di mucha den e propuesta?
- Si a determiná un impakto negativo riba un derecho di mucha den paso 1: ta posibel pa adaptá e propuesta pa evitá e impakto negativo aki?
- I si no ta asina, kon tòg bo por respetá mas tantu posibel e derecho(nan) di mucha ku ta bini bou di preshon?
Resultado parsial
Despues di a kompletá e paso aki, bo sa di ki manera e propuesta por kontribuí na e realisashon di derechonan di mucha, i loke tin mester pa pone derechonan di mucha na promé lugá den bo propuesta.